Archives

Tíu bestu jólaeftirréttirnir

Ris A La Mande – Jólalegasti eftirréttur allra tíma og einstaklega ljúffengur. Algjörlega ómissandi um jólin! Jóla Pavlova með Daim súkkulaðikremi og ferskum berjum. Þetta er kakan sem er fullkomin á jóladag. Súkkulaði Panna Cotta sem hreinlega bráðnar í munni.  Með dökku súkkulaði og hvítu súkkulaði. After Eight ísterta með berjum og súkkulaðis. Algjört sælgæti! Tiramisu og Skyramisu  – báðir tveir einstaklega ljúffengir og fullkomnir með kaffibollanum. Piparkökuís með saltaðri karamellusósu. Guðdómlega góður og einfaldur! Bökuð ostakaka með sítrónu og ferskum berjum. Eitt sinn smakkað þið getið ekki hætt – ég lofa ykkur því. Créme Brulée – ómissandi um jólin! Súkkulaðibúðingurinn sem allir elska og fá ekki nóg af. Súkkulaðikaka með mjúkri miðju. Svo góð að ég á erfitt með að lýsa henni – þið…

Súkkulaðikaka með blautri miðju – einfaldlega best!

Er nokkuð betra en heit súkkulaðikaka með blautri miðju, borin fram með ís og ferskum berjum? Ég hugsa að svarið sé einfaldlega nei, það gerist ekki betra. Ég gjörsamlega elska þennan eftirrétt og mér finnst hann henta fyrir öll tilefni, sparileg sem og þegar manni langar bara í eitthvað gott. Vinnuframlagið er í sögulegu lágmarki og útkoman vægast sagt ómótstæðileg… þetta er eftirrétturinn sem hreinlega bráðnar í munni og þú færð ekki nóg. Súkkalaðikaka með blautri miðju Ég fylgdi uppskrift af blogginu hennar Sally (sem þið verðið að skoða!) og breytti henni lítillega.. eða notaði meiri súkkulaði. 6 kökur  120 g smjör 200 g súkkulaði (ég notaði suðusúkkulaði) 31 g hveiti 60 g flórsykur salt á hnífsoddi 2 eggjarauður 2 egg Aðferð: Hitið ofninn í…

Vanillu Créme Brulée uppskrift

Þessi ofurvinsæla uppskrift slær alltaf í gegn og þá sérstaklega um jólin, ég tengi hana að minnsta kosti við jólahátíðarnar og mér finnst hún mjög mikið spari. Ég prófaði að búa til Créme Brulée í fyrsta sinn um daginn og það kom mér á óvart hversu einföld hún er. Það eina sem skiptir mestu máli er að kæla eftirréttinn vel og best að gera eftirréttinn degi áður en þið ætlið að bera hann fram, að vísu þykir mér slíkar uppskriftir algjör snilld og það getur sparað smá stress að vera búin að undirbúa hluta af matnum degi áður. Silkimjúkur vanillubúðingur með stökkum sykri ofan á… einfaldlega of gott til þess að prófa ekki! Vanillu Créme Brulée Fyrir 6 – 8 500 ml rjómi 1 vanillustöng…

Silkimjúkur súkkulaðibúðingur

Ég held áfram að deila með ykkur uppskriftum að girnilegum eftirréttum, fyrst ég er nú byrjuð! Um helgina var ég í miklu eftirréttastuði, það er í alvörunni hægt að vera í stuði fyrir ákveðnum réttum 🙂 Ég ákvað að búa til þennan einstaklega góða súkkulaðibúðing sem er í miklu uppáhaldi hjá manninum mínum honum Hadda. Þetta er líklega mest „save“ eftirréttur sem ég veit um, en það er mjög erfitt að klikka á þessari uppskrift og öllum finnst súkkulaðibúðingur góður, ég þori eiginlega að lofa því. Ég hef að minnsta kosti ekki hitt þann sem finnst súkkulaði vont 🙂 Ef þið eruð í stuði fyrir súkkulaði um jólin þá mæli ég eindregið með þessum eftirrétt. Silkimjúkur súkkulaðibúðingur 40 g smjör 240 g súkkulaði (til dæmsi…

Piparkökuskyrkaka með saltaðri karamellusósu

Ég er svolítið að vinna með piparkökur og saltaða karamellusósu þessa dagana, einfaldlega vegna þess að mér þykir þessi tvenna svo óskaplega góð og hún virðist ganga með öllu! Fyrst voru það súkkulaðibollakökur og nú elsku skyrið… þessi skyrkaka er lygilega einföld og þið getið útbúið hana degi áður en þið ætlið að bera hana fram, með því móti getið þið losnað við allt auka stress 🙂  Þessi kaka er hrikalega góð og ég mæli með að þið prófið hana sem fyrst. Piparkökuskyrkaka með saltaðri karamellusósu Piparkökubotn: 400 g piparkökur 100 g smjör, brætt Aðferð: Bræðið smjör í potti og setjið piparkökurnar í matvinnsluvél og myljið fínt, þið getið líka notað kökukefli í verkið. Hellið smjörinu saman við piparkökublönduna og blandið vel saman. Hellið blöndunni…

Morgunverðarkaka með stökku múslí, æðislegri ástaraldinfyllingu og ferskum berjum.

*Þessi færsla er kostuð og unnin í samstarfi við Kelloggs á Íslandi.  Morgunverðarkaka með stökku múslí, æðislegri ástaraldinfyllingu og ferskum berjum Kaka sem má borða í morgunmat með góðri samvisku – einfaldlega ljúffengt. Botn: 1 poki KELLOGGS múslí (500g) 100 g smjör, brætt 10 döðlur, smátt skornar Aðferð: Myljið múslíið mjög fínt, bræðið smjör og saxið döðlurnar afar smátt. Blandið öllu saman í skál og dreifið blöndunni í fallegt fat eða litlar skálar. Setjið blönduna/botninn í ísskáp á meðan þið útbúið fyllinguna. Fylling: 300 g grískt jógúrt 2 msk hunang 3 ástaraldin 1 tsk vanilla Kíví Jarðarber Bláber Aðferð: Skafið innan úr ástaraldinávextinum og blandið kjötinu saman við gríska jógúrtið, hunangið og vanilluna. Dreifið jógúrtblöndunni yfir múslíbotninn og skerið niður ferska ávexti sem þið raðið…

Trylltar súkkulaðibollakökur með saltkaramellukremi og piparkökumulningi

Ég hef sjaldan fengið önnur eins viðbrögð og þegar ég deildi mynd af þessum girnilegu og svakalega bragðgóðu bollakökum með saltkaramellukremi og piparkökumulningi. Ég verð að viðurkenna að þessar bollakökur eru með þeim betri sem ég hef smakkað, ég er alltaf rosalega hógvær. Þið vitið það, haha! Í alvöru talað, það er ekki margt sem getur klikkað þegar súkkulaði, söltuð karamella og piparkökur koma saman. Þið verðið einfaldlega að prófa þessar kökur, fyrr en síðar. Súkkulaðibollakökur ca. 30 stk (ef þið notið hvítu bollakökuformin sem fást í nánast öllum matvöruverslunum, þau eru aðeins minni en þessi hefðbundnu bollakökuform, þið sjáið á myndinni hvaða form ég er að tala um) 7,5 dl hveiti 5 dl sykur 5 dl hrein AB mjólk 2,5 ljós olía 5 msk…

Bláberjamúffur með grísku jógúrti og múslí

Þessi færsla er kostuð og unnin í samstarfi við Kelloggs á Íslandi  Bláberjamúffur með grísku jógúrti og stökku múslí Þegar ég bjó í Bretlandi þá fannst mér ekkert betra en að fara á góð kaffihús, panta mér kaffi og fá mér eina bláberjamúffu. Morgunverðarmúffur eru ansi vinsælar í Bretlandi, þær eru ekki eins sætar og venjulegu múffurnar eða bollakökurnar og eru því tilvaldar í morgunsárið þegar við viljum eitthvað aðeins meira en morgunkornið… fullkomið með fyrsta kaffibollanum. Bláberjabollakökur 1 egg 60 g brætt smjör 75 g sykur 65 ml mjólk 2 tsk vanilla 240 g grískt jógúrt 135 g hveiti 80 g haframjöl salt á hnífsoddi ½ tsk kanil 1 ½ tsk lyftiduft 1 tsk matarsódi 3 dl frosin eða fersk bláber KELLOGGS múslí, magn…

Skírnarveisla Kristínar Rannveigar

Þann tólfta nóvember fékk Kristín Rannveig formlega nafnið sitt við fallega athöfn heima hjá tengdaforeldrum mínum. Við buðum okkar allra nánasta fólki og áttum saman dásamlegan dag. Ég er svo montin af stelpunum mínum að ég fer alveg að springa! Hér eru nokkrar myndir og uppskriftir af þeim kökum sem ég bauð upp á (ég keypti makkarónur, tilbúnar..hneisa ég veit haha) Það var sveppasúpa í aðalrétt sem mamma bjó til, með súpunni voru snittubrauð og pestó sem ég þarf endilega að deila með ykkur fljótt. Ég ákvað að hafa þetta einfalt og bauð upp á nokkrar tegundir af sætum bitum en mér finnst bæði fallegt og þægilegt að bjóða upp á svona litla sæta bita. Pavlovur – Makkarónur og frönsk súkkulaðikaka. Confetti Sisters buðu mér…

Einfalt og fljótlegt hummus sem bragð er af

Ég er búin að vera með æði fyrir hummus í nokkra daga og ég fæ bara ekki nóg af því! Ég elska að fá mér hummus ofan á hrökkbrauð eða með fersku grænmeti, ótrúlega einfalt og gott. Þessi uppskrift sem ég deili með ykkur í dag er afar einföld og fljótleg, en ég nota tilbúnar kjúklingabaunir en þið getið auðvitað keypt þær ósoðnar, lagt þær í bleyti og eldað. Það tekur aðeins lengri tíma en stundum hefur maður meiri tíma í eldamennskuna 🙂 Einfalt og fljótlegt hummus (Sem klárast eins og skot) 1 dós kjúklingabaunir 2 msk tahini mauk handfylli kóríander skvetta úr sítrónu 2 hvítlauksrif 1/2 dl góð ólífuolía 1 tsk paprikukrydd salt og pipar Aðferð: Kjúklingabaunirnar eru skolaðar og þerraðar Setjið öll hráefnin…

1 2 3 4 16