Afmælisgleði.
Í maí þá eigum við mamma og Steindór afmæli.
Steindór Mar átti afmæli í gær, ég í dag og mamma þann 18 maí.
Í gær þá bakaði ég einfalda súkkulaðiköku handa Steindóri mínum og skreytti með kitkat, smarties og slaufu. Mjög skemmtileg kaka.
Ég var vakin í morgun af prinsunum mínum. Pakkar og rjómaterta í morgunsárið, ekki aldeilis slæm byrjun á góðum degi. Ég er ótrúlega mikið afmælisbarn – sennilega of mikið. En það er svo gaman að eiga afmæli! Ég er búin að hafa það virkilega gott í dag og það stefnir allt í ljómandi fínt kvöld. Ég ætla að ráðast í sushigerð. Sushi og hvítvín skal það vera í kvöld.
Nývöknuð og búin að setja á mig hið fínasta glingur, strákarnir mínir gáfu mér þetta fína prinsessusett og voða flotta barbie dúkku.
Mamman mín besta
Bella Bella
Ég vona að þið eigið góðan dag
xxx
Eva Laufey Kjaran