Grænmetissúpa með stökkum tortilla vefjum
1 msk olía
1 laukur
2 hvítlauskrif
1 rauð paprika
½ spergilkálshöfuð
5 – 6 gulrætur
350 g hakkaðir tómatar í krukku eða dós
1 – 2 msk. tómatpúrra
1,5 l kjúklingasoð (soðið vatn + 2 kjúklingateningar)
1 tsk. Paprikukrydd
½ tsk cuminkrydd
1/2 tsk. þurrkað koríander
1 tsk karrí
salt og pipar
Aðferð:
Hitið olíu í potti, skerið grænmetið mjög smátt og steikið í smá stund eða þar til grænmetið verður mjúkt. Bætið kjúklingasoði, hökkuðum tómötum og tómatpúrru saman við. Kryddið til með þeim kryddum sem talin eru upp hér að ofan og leyfið súpunni að malla í lágmark 30 mínútur. Mér finnst súpan alltaf betri ef hún fær að malla svolítið lengi.
Meðlætið með súpunni
1 msk. olía
tortillakökur, skornar í litla bita
sýrður rjómi
lárpera
ferskur kóríander
hreinn fetaostur
Aðferð:
Hitið olíu við vægan hita á pönnu, skerið tortillakökurnar í litla bita og steikið á pönnu í 1 – 2 mínútur eða þar til kökurnar eru gullinbrúnar.
Berið súpuna fram með stökkum tortillavefjum, smátt skorinni lárperu, smátt söxuðum kóríander, sýrðum rjóma og hreinum fetaost.
xxx
Eva Laufey Kjaran Hermannsdóttir
Öll hráefnin í þessa uppskrift fást í verslunum Hagkaups.