Uppáhalds pæið mitt án efa – karamellupæ með bönunum og sætum rjóma.
Sjómannadagurinn í dag og því er heldur betur tilefni til þess að skella í eina böku.
Botn:
400 g kexkökur (ég nota yfirleitt digestive kex)
170 g smjör, brætt
2 tsk sykur
Aðferð:
- Setjið hráefnin í blandara/matvinnsluvél þar til kexblandan er orðin að fínni mylsnu.
- Setjið kexblönduna í hringlaga bökuform (helst smelluform) og þrýstið blöndunni vel í formið og upp með börmum á forminu.
- Kælið bökuskelina í 30 mínútur.
Fylling:
550 Dulce de leche karamella
2 bananar
Aðferð:
- Hellið karamellunni í bökuskelina, skerið niður banana og raðið yfir karamelluna.
- Kælið bökuna í lágmark klukkustund – því lengur því stífari verður karamellan.
Sætur rjómi
400 ml
2 msk sykur
50 g suðusúkkulaði
Aðferð:
- Setjið sykur og rjóma í hrærivélaskál og þeytið þar til rjóminn er vel þeyttur.
- Setjið rjómann yfir bökuna og stráið litlum súkkulaðibitum yfir í lokin.
- Berið strax fram og njótið vel.
Njótið vel og eigið góðan sunnudag.
xxx
Eva Laufey Kjaran Hermannsdóttir
