•     Fjórar kjúklingabringur
•     8 hráskinkusneiðar
•     10 – 12 fersk salvíublöð
•     Salt og nýmalaður pipar
•     1 – 2 msk. Ólífuolía

1. Skerið kjúklingabringur í tvennt og kryddið með salti og pipar.
2. Leggið eitt salvíublað ofan á kjúklingabringuna og
   vefjið hráskinkunni utan um hvern bita.
3. Hitið ólífuolíu á pönnu og steikið bringurnar í smá stund á hvorri hlið eða þar til þær eru brúnaðar á öllum hliðum.
4. Leggið bringurnar því næst í eldfast mót og inn í ofn við 180°C i 20 mínútur. Á meðan kjúklingurinn er í ofninum útbúið þið sósuna og kartöflumús.

Kartöflumús með parmesan osti

•      500 g soðnar kartöflur
•      30 g smjör
•      1 dl mjólk
•      Salt og nýmalaður pipar
•      1 dl rifinn parmesan ostur

1. Afhýðið kartöflurnar og bræðið smjörið.
2. Setjið kartöflurnar út í smjörið og takið pottinn af hitanum, stappið kartöflurnar vel
   saman við smjörið og hellið volgri mjólk út í smáum skömmtum.
3. Bætið ostinum við og stappið öllu vel saman þar til réttri áferð er náð, það er smekksatriði hvað
   þið notið mikla mjólk en þið finnið það um leið ef þið þurfið að bæta við mjólk.
4. Bragðbætið með salti og pipar.

• 2 msk. Smjör
• 6 – 7  fersk salvíublöð, smátt skorin
• 700 ml hvítvín
• 1 stk. Kjúklingakraftur
• Nýmalaður pipar

1. Bræðið smjörið á pönnu og steikið salvíublöðin.
2. Hellið hvítvíninu út á og bætið kjúklingakraftinum saman við. Kryddið til með
   pipar.
3. Leyfið sósunni að sjóða í smá stund, lækkið þá hitann og leyfið sósunni að malla í nokkrar mínútur eða þar
   til kjúklingurinn er tilbúinn.

Öll hráefnin í þessa uppskrift fást í verslunum Hagkaups.

Endilega deildu með vinum :)