Morgunverðar parfait með berjasósu og stökku múslí

Þessi færsla er kostuð og unnin í samstarfi við Kelloggs á Íslandi

Æðislegt morgunverðar parfait með berjasósu og stökku múslí

Parfait er fullkomið á brönsborðið eða bara þegar þið viljið gera einstaklega vel við ykkur í morgunsárið. Vinnuframlagið er í lágmarki en útkoman er dásamleg, þið eigið eftir að gera þessa uppskrift aftur og aftur.

Morgunverðar parfait

200 g grískt jógúrt
200 g vanillu jógúrt
1 msk rjómi
KELLOGGS múslí með súkkulaðibitum
Fersk jarðarber
Fersk bláber

Berjasósa
250 g frosin blönduð ber
½ dl appelsínusafi
½ vanillustöng
2 msk sykur
Aðferð:
Setjið berin, appelsínusafa, vanillustöng og sykur í pott og náið upp suðu. Lækkið hitann og leyfið sósunni að malla þar til hún byrjar að þykkna, þá er gott ráð að ýta aðeins á berin og stappa þau svolítið. Setjið sósuna til hliðar og kælið áður en þið berið hana fram með jógúrtinu.

Parfait

Aðferð:

Hrærið gríska jógúrtinu og vanilluskyrinu saman, bætið fræjum úr hálfri vanillustöng við ásamt rjómaskvettu. Skerið berin niður afar smátt og saxið dökkt súkkulaði.
Setjið stökkt og ljúffengt KELLOGGS múslí í botninn á fallegum glösum, því næst fer jógúrtblanda og þar á eftir fersk ber, endurtakið leikinn og þá með berjasósunni, jógúrtinu, múslíinu og berjunum.

Njótið vel.

xxx

Eva Laufey Kjaran Hermannsdóttir

 

Endilega deildu með vinum 🙂

Leave a Reply

Netfang þitt verður ekki birt. Nauðsynlegir reitir eru merktir *