Döðlugott með piparperlum

img_9822

Hér er uppskrift að virkilega gómsætum döðlubitum en þið þekkið eflaust flest þessa uppskrift enda er hún gífurlega vinsæl og það er ekki að ástæðulausu. Ég eeeelska þessa karamellu- og döðlubita með smá piparperlum, ég fæ ekki nóg og kann mér ekki hóf fyrir fimm aur þegar kemur að þessu kökum. Eitt sinn smakkað þú getur ekki hætt á vel við þessa ljúffengu bita.

Ég átti öll hráefnin til aldrei þessu vant í morgun og þurfti ekki einu sinni að fara út í búð eftir piparperlunum, þess vegna fannst mér miklu meira en tilvalið að skella í döðlugott og deila með ykkur að sjálfsögðu. Það eru til margar útgáfur að döðlugotti og ef þið lumið á góðu hráefni til þess að setja út í deigið þá megið þið endilega deili í athugasemdum – því fleiri útgáfur að döðlugott því betra fyrir okkur öll

Þið getið horft á aðferðina við að búa til döðlugottið á Snapchat, þið finnið mig undir evalaufeykjaran

Njótið vel!

img_9823

Döðlugott með piparperlum

  • 380 g döðlur, smátt saxaðar
  • 250 g smjör
  • 125 g púðursykur
  • 80 g Rice Krispies
  • 70 g piparperlur
  • 150 g súkkulaði t.d. mjólkur eða suðusúkkulaði

Aðferð:

Saxið steinlausar döðlur smátt. Setjið döðlurnar, smjörið og púðursykur í pott og blandið vel saman við vægan hita. Þegar döðlurnar eru farnar að mýkjast er gott að þrýsta aðeins á þær til dæmis með kartöflustöppu svo þær verði að mauki.

Hrærið vel í blöndunni og leggið til hliðar. Setjið Rice Krispies út í ásamt smátt söxuðum piparperlum.

Dreifið úr blöndunni í pappírsklæddu formi og þrýstið blöndunni vel í formið.

Bræðið súkkulaði yfir vatnsbaði og hellið yfir döðlukökuna, setjið kökuna í kæli í 1 – 2 klst eða þar til kakan er hörð í gegn. Skerið kökuna í litla bita og berið fram.

Gott er að geyma bitana í kæli, ég læt þá inn í frysti og tek bitana út með smá fyrirvara áður en ég ber þá fram.

img_9828img_9833img_9841img_9843img_9844img_9848img_9849img_9853img_9854

xxx

Eva Laufey Kjaran Hermannsdóttir

unknown-1

Öll hráefnin sem voru notuð í þessa uppskrift fást í verslunum Hagkaups.

Endilega deildu með vinum 🙂

Leave a Reply

Netfang þitt verður ekki birt. Nauðsynlegir reitir eru merktir *