Karrífiskur með æðislegri jógúrtsósu

Karrífiskur með æðislegri jógúrtsósu

*Fyrir fjóra 
  • 800 g fiskur til dæmis þorskur eða ýsa
  • 5 dl hveiti
  • salt og pipar
  • 1 msk karrí
  • 1 msk sinnepsduft
  • 2 msk  fersk smátt söxuð steinselja
  • salt og nýmalaður pipar, magn eftir smekk
  • 3 egg
  • ólífuolía til steikingar + smá smjör
Aðferð:
  1. Skerið fiskinn í jafn stóra bita.
  2. Blandið saman í skál hveitinu og kryddum.
  3. Pískið þrjú egg saman í skál.
  4. Hitið ólífuolíu á pönnu.
  5. Veltið fiskbitunum upp úr hveitiblöndunni og síðan upp úr eggjablöndunni.
  6.  Steikið fiskinn á pönnu í ca tvær mínútur á hvorri hlið, setjið síðan fiskinn í eldfast mót og inn í ofn við 180°C í 10 – 12 mínútur. Það er ágætt að setja smá smjörklípu ofan á fiskinn áður en hann fer inn í ofn.

Á meðan fiskurinn er í ofninum er brjálæðislega góð og einföld jógúrtsósan útbúin…

Jógúrtsósa

  • 300 ml grísk jógúrt
  • safi úr 1/2 límónu
  • 2 msk fersk steinselja, smátt söxuð
  • 1 hvítlauksrif, pressað
  • 1 tsk hunang
  • salt og pipar

Aðferð:

  1. Setjið öll hráefnin saman í skál og blandið vel saman, það er einnig gott að mauka sósuna í matvinnsluvél eða með töfrasprota. Berið strax fram!
.
Fljótlegt, einfalt og gott! 
Njótið vel.
xxx
Eva Laufey Kjaran Hermannsdóttir

Öll hráefnin í þessa uppskrift fást í verslunum Hagkaups.

Endilega deildu með vinum 🙂

Leave a Reply

Netfang þitt verður ekki birt. Nauðsynlegir reitir eru merktir *