*Þessi færsla er kostuð og unnin í samstarfi við AVA aldinvatn 

Jól í glasi er nafnið á þessum kokteil, hann er einfaldlega svo jólalegur að þetta nafn smellpassar. Ég elska desember og allt sem honum fylgir, jólaboð og hittingar með vinum og fjölskyldu.. svo ekki sé minnst á spilakvöldin! Það er ferlega skemmtilegt að bjóða upp á góða kokteila í boðum og þessi er tilvalin. Einfaldur og bragðgóður… borin fram með stökkum og guðdómlega góðum parmesanflögum sem þið verðið að prófa.

Berja moijto með jólaívafi

Uppskrift fyrir 2 glös

• 2 límónur
• handfylli mintulauf
• 8 tsk hrásykur
• 8 cl ljóst romm (auðvitað má sleppa áfenginu)
• handfylli hindber
• mulinn klaki
• Sódavatn
• rósmarín, til skreytingar
• kanilstöng, til skreytingar
• 1 tsk flórsykur

Aðferð:

1. Skerið límónu í báta og skiptið niður í tvö glös.
2. Skiptið sömuleiðis mintulaufum, hrásykri, rommi og hindberjum í glösin, merjið allt saman.
3. Setjið mulinn klaka í glösin, allt upp að brún og hrærið vel í.
4. Fyllið upp með sódavatni og skreytið drykkinn með rósmaríngrein, rífið niður smá kanil af kanilstönginni og sigtið flórsykur yfir drykkinn í lokin.

Berið strax fram og njótið vel.

Parmesanflögur með rósmarín

• 100 g parmesan
• 1/2 tsk rósmarín
• svartur pipar

Aðferð:

1. Hitið ofninn í 200°C.
2. Rífið niður parmesan.
3. Skiptið ostinum niður í nokkra bita á pappírsklæddri ofnplötu, mótið hring.
4. Sáldrið rósmarín yfir hvern hring.
5. Kryddið með smá pipar og bakið í ofni við 200°C í 3 – 4 mínútur.
6. Kælið og berið fram.

Stökkar og dásamlegar parmesanflögur.

Njótið vel.

xxx

Eva Laufey Kjaran Hermannsdóttir

Öll hráefnin í þessa uppskrift fást í verslunum Hagkaups.

Endilega deildu með vinum :)